Κανόνας του Πάσχα στα Σέρβικα
Воскресенија ден, просвјетимсја људије. Пасха, Господња, пасха: от смерти бо к жизњи, и от земљи к небеси, Христос Бог нас преведе, побједнују појушчија. Придите пиво пијем новоје, не от камене неплодна чудодјејемоје, но нетљенија источник, из гроба одождивша Христа, в њемже утверждајемсја. На Божествењеј стражи, Богоглагољиви Авакум да станет с нами и покажет свјетоносна ангела, јасно глагољушча: днес спасеније миру, јако воскресе Христос, јако всесилен. Утрењујем утрењују глубоку, и вмјесто мира пјесан принесем Владицје, и Христа узрим правди солнце, всјем жизањ возсијајушча. Снизшел јеси в преисподњаја земљи, и сокрушил јеси вереи вјечнија, содержашчија свјазанија, Христе, и тридневен, јако от кита Иона, воскресал јеси от гроба. Отроки от пешчи избавивиј, бив человјек, страждет јако смертен, и страстију смертноје в нетљенија облачит благољепије, једин благословен Оцев Бог, и препрослављен. Сеј наречениј и свјатиј ден, једин субот Цар и Господ, праздников праздник, и торжество јест торжестав, во онже благословим Христа во вјеки. Христос воскресе из мертвих, смертију смерт поправ и сушчим во гробјех живот даровав. (трипут) Воскрес Иисус от гроба, јкоже прорече, даде нам живот вечни и велију милост.
